வயது வரம்பின்றி குடும்பத்தில் உள்ள அனைவரும் (ஆடவர், மகளிர், சிறுவர்) சக்திமாலை அணிந்து இருமுடி செலுத்தலாம்.

எந்த மதத்தினரும் மாலை அணிந்து இருமுடி எடுக்கலாம்.

உங்கள் பகுதியில் உள்ள ஆதிபராசக்தி வார வழிபாட்டு மன்றத்திற்குச் சென்று சக்திமாலை அணிந்து இருமுடி எடுக்க வேண்டும்.

சக்தி மாலை அணியும் பக்தர்கள் 5 அல்லது 3 நாட்கள் விரதம் இருந்து பிறகு இருமுடி செலுத்த வேண்டும்.

விரத நாட்களில் சிகப்பு நிற ஆடை உடுத்த வேண்டும்.

விரத நாட்களில் ஒரு வேளை உணவைத் தவிர்க்க வேண்டும்.

காலை, மாலை இருவேளைகளிலும் நீராடி அன்னையை வழிபடுதல் வேண்டும்.

விரத நாட்களில் லாகிரி, போதை வஸ்துக்களைத் தவிர்க்க வேண்டும்.

உறங்கும்போது வழக்கமாக படுக்கை வசதிகளைத் தவிர்த்து செவ்வாடை அல்லது மஞ்சளாடை விரித்து அதன் மேல் உறங்க வேண்டும்.

டி.வி, சினிமா, கிளப் போன்ற கேளிக்கைகளைத் தவிர்த்து ஐம்புலன்களையும் அடக்கி, அன்னையின் திருநாமத்தை நினைவில் நிறுத்த வேண்டும்.

ஒன்பது முறை இருமுடி செலுத்தியவர்கள் மஞ்சள், சிகப்பு கலந்த ஆரஞ்சு நிறத்தில் உள்ள ஆடைகளையே அணிந்து வரவேண்டும்.